Harri Salda | Emankizunak Iraupena: 52 minutu

Harri salda #1

Publikazio data: 2020-01-28

Gaia: Gizartea

Harri Saldaren lehen emankizun honetan, Willis Drummond taldearen "Zugzwang" izeneko azken diskoa deskubritu dugu Jurgi Ekiza kantari eta gitarristarekin. Musikatik txirrinduetara pasatu gira gero Xabier Harluxet, BIZIko kidearekin. Kostaldean zein barnealdean bizikletez ibiltzeko diren arazoak agerian utzi ditu eta horiek nola konpondu esplikatu digu sutsuki. Txirrind’ola elkarteko Benat Blazquez Berasarte segitu ginuen hain zuzen bere bidean bizikletez, eta egunero hartzen dituen arriskuak hurbiletik ezagutzeko parada ukan ginuen aitzinetik. Bukatzeko, Marie Pourquié hizkuntzalaria bere ikerketa baten berri ematera jin da, ortofonistentzat euskaratzen duen ebaluaketa tresna bati buruz hitz eginik. Bistan dena, kronikariek ere emankizuna alaitu dute ausarki. Norberaren autoarentzat zer olio hautatu azaldu du ezin hobeki Matiu Bordatok "zuk zeuk egin ezazu" kronikan, arrunt beste mundu batean murgildu aitzin Rafa Rodrigorekin. Barazegintza izpide, letxugak, entseladak eta beste hainbat barazki jastatu ditugu "baratzegintzatik sukaldera" momentuan. Hori guzia Xan Idiartek aurkezturik.