Harri Salda | Emankizunak Iraupena: 56 minutu

Harri salda #10

Publikazio data: 2020-04-07

Gaia: Gizartea

Lehen aldiko Harri Saldan, idazle bat hurbildu da guregana. Hurbildu edo ez arras, konfinamendua dela eta, pantailen bidez mintzatu baikira. 2019ko urrian Maiatz argitaletxearekin Itxaro Bordak publikatu zuen Kripton 85 eleberri distopikoak ikaragarriko egunerokotasuna du preseski, istripu nuklear baten ondotik, konfinamendua jasan behar baitute ere bertako pertsonaiek. Gaur egungo egoeraz zer pentsatzen duen galdegin diogu beraz Itxaro Bordari. Literatura aipagai izan dugu ere Nora Arbelbiderekin. Etxetik mugitu gabe, literatura nola irakurri daitekeen erakutsi digu. Horretarako Armiarma.eus edo booktegi.eus bezalako webguneak badirela erran digu. Bere aldetik, beste plataforma batean mugildu gaitu Allande Etxeberrik, zuzenezko streaming delakoak egiteko beharrezkoa den Twitch-ekin. Joko bideoak, emankizunak, musika kurtsoak... Edozein arlorentzat balia daiteke Twitch. Bestalde, oraindik goiti Kanaldudek hedatuko duen serie berri bat ezagutzeko parada izan da aste honetako Harri Salda. Muak deitzen da serie hori, eta praktika ekologiko ezberdinak erakusteko xedea du. Egilea den Jokin Etcheverria elkarrizketatu dugu.