Harri salda #15

2020-05-12 52:34 min Etiketak:

Ion Martinez Txiki umoristarekin irri egin dugu aste honetan Harri Saldan, baina ez bakarrik. Joan den otsailean Aldatzen laguntzen antzerki taldearekin estreinaturiko "Birritan bortxatua" dramari buruz mintzatu gira. Emakume batek bortxaketa baten ondotik jasan behar duen biktimizazio bikoitzaren argazki gogorra izatea du helburu antzerki horrek. Seguru aski ez girela antzerkira joaten ahalko ondoko egunetan baina kanpora ateratzeko maska edo hobeki erranik maskara bat beharko dugu denek. Euskal Elkargoak herrietan nola banatuko dituen azaldu digu baliabideen koordinatzailea den Kattalin Indaburuk. Bukatzeko, hainbeste aipatzen den biharko mundua hausnartu dugu Arantxa Mendiharatekin Ideiak garbi ukaiteko zer irakurri behar den badakigu. Zirriborroak eta gero izeneko proiektuaren eraimaileetarik bat da, eta bertan altzenatibak sortzen dituzte hainbat idazlek. Dudarik gabe mugarik gabeko Euskal Herri bat amesten dugu euskaldunek, bereziki egun hauetan ikusten dugularik nola Espainiak eta Frantziak Hego eta Ipar Euskal Herriaren arteko muga azkartu duten. Preseski, mugaz eta herri horien lurradetasun ideiaz hitz egin du Nora Arbelbidek. Gai horiek guziak bertsutan eman ditu Hendaiatik konfinaturik Egoitz Zelaiak.