Iraupena: 220 minutu

Herriko Bozak 2020 Bigarren itzuliaren emankizuna

Publikazio data: 2020-06-29

Gaia: Politika

Herriko bozen bigarren itzuliko gaualdi berezia eskaini dugu igande arratsean, euskal hedabideak elkarlanean. 18:30etarik goiti irrati-telebistako emanaldia animatu du Pantxika Maitia kazetariak, Ekhi Erremundegi eta Kriztof Arrotzarena Berria eta Euskal Irratietako kazetariek ari izan direlarik emaitzak komentatzen eta egoera aztertzen. 18 herri ziren lehian bigarren itzuli honentzat eta kasik herri guzietatik zuzenezko konekzioak egin dira hedabideetako kazetarieri esker, bozka kondaketaren berri emanez, gomiten zuzenezko ihardokitzeak bilduz. Azken orduan, Pepe Aizpurua Euskal Irratietako errekdatore buruak gomitak galdezkatu ditu : Filipe Arramendi (Urruna), Richard Irazuzta (Hendaia), Leire Larrasa (Ziburu) baita Iker Elizalde EHbai alderdiko kidea. 30 lagun lanean, lau orduko emanaldia, osoki euskaraz bat-bateko itzultzaileen lanari esker.

partekatu sarean: