GERTAKARIAK | Gertakariak Iraupena: 63 minutu

Bultza Euskaltegiak, Bultza Euskara!

Publikazio data: 2021-03-28

Gaia: Kultura

Bi urteetarik Euskal Herria zeharkatzen duen euskararen aldeko korrikarik ez aurten, 22, korrika 2022ra gibelatua izan da. Hala ere, martxoaren 28 honek markatu du euskararen aldeko mobilizazio eguna, bultza euskaltegiak, bultza euskara lema pean… Euskal Herriko 84 hiritan, jendea bildu da eguerditan, denetan oren erdiko ekitaldi batentzat, bertsolariak, AEKren mezuaren irakurketa, korrikaren aldeko marrazki erraldoia, Euskal Herrian euskaraz kantua eta lekuan lekuko animazioak. Ipar Euskal Herrian 11 herritan finkatuak ziren. Kanaldudek zuzenean egin duen emanaldian hainbat lekuko agertu dira beren herrietatik berriak emaiten : Arbonatik Erregina Dolosores ondoan zuela Pierrot Etchelecou 97 urtetan bertso bat kantaturik plazan, Azkainetik Sebastien Castet, Donapaleutik Bixente Claverie, Donibane-Garazitik Maialen Errekart, Hiriburutik Patxi Iriart bertsotan, Hazparnetik Maialen Hegi-Lucu, Itsasutik gau eskolako lehendakaria eta ikasle bat. Mauleko berri ere hartu dugu bezperan egin baitzen ekitaldia Mauleko merkatuan. Herrietako konekzio ezberdinen artetik, solasaldian ari izan gira Ihintz Oliden AEKko Iparraldeko koordinatzaile berriarekin baita Amaia Beyrie AEKko formakuntza trinkoen arduradunarekin.

partekatu sarean:

Emankizun gehiago