Eskulari Pro Finalak

2021-11-30 03:02:45 Etiketak:

Eskulari Pro 2021ko finaletan ondoko jokalariak izan dira nor-gehiagoka : Finala txikia : Jon Saint-Paul VS Mathieu Ospital Finala haundia : Battitta Ducassou VS Luis Sanchez Aspalditik binakako Milafrangako lehiaketa zen honek, duela 3 urte buruz-buruko forma hartu du. Urtean zear hainbat binakako lehiaketa daudenez, Elite-proko jokalariengandik eta publikoarengandik etorri zen eskaera, buruz-buruko 4 hilabeteko bolada bat eskainiz. Hala nola, Iparraldeko buruz-buruko elite-pro zirkuitoko 3 hitzordu nagusietatik urteko lehena bilakatu da. Ondotik Super Prestige eta Frantziako txapelketa datozte, eta batez ere azken hontatik lortutako emaitza hoberenen araberan osatzen da Eskulari Pro lehiaketa. Aurten Ducassou, Larralde, Sanchez eta Ospital ibiliko ibili dira norgehiagoka. 3garren postuko finalerako, tamalez, Peio Larralde zauritu da eta Jon Saint-Paulek bere ordezkoa hartu du. Publikoak lehiaketa honi duen atxikimendua, gaur egun duen formatoan, urtez urte haunditzen ari da. Joan den urtean, covid-aren krisia zela eta publikorik gabe gauzatu zen, zuzenean telebista soilik ikusteko aukera baino ez zen izan, baina aurreko edizioan trinketeak 700 bat pertsona bildu zituen orotara. Trinketeak sortzen duen tentsioak eta dakarren emaitzen gorabeherek giroa sutu zuten. Lehiaketa honen berezitasuna dugu ere 3. postuaren norgehiagokaren jokoa.