Oztibarre eguna

Lehen aldikotz ospatuko da Oztibarreko eguna agorrilaren 14an igandez Izuran. 9 herrik osatzen dute 1800bat biztanle kondatzen dituen ibarra. Oharturik guti elgar ezagutzen zutela eta ibarra bera guti ezaguna zela, herritarrak bildu dira gertakaria antolatzeko. Laborantza eta artzaingoa izanez ibarreko jarduera nagusiena, kabalen erakusketa, ardi gasna lehiaketa, tokiko ekoizpenez osatu merkatua eta artzain xakur txapelketa proposatuak izanen dira egunean zehar. Horrezgain, pilota, erakusketa, dantza, kantu eta animazio ere izanen da belaunaldi guzientzat. Hona hemen herritar multxo batekin osatu erreportai parte hartzailea.