Dokumental luzeak | Dokumentalak Iraupena: 71 minutu

ANHELL69

Publikazio data: 2025-01-05

Gaia: Gizartea Nor/Zer: Theo Montoya

SINOPSIA

(Oharra: filma honen eszena batzuek haurren sentsibilitatea irain lezakete).

Corbillar bat Medellineko kaleetan barrena dabil; zuzendari gazte batek berriz, gatazkak, indarkeria eta paradoxak nagusi diren hiri horretan bizi izandakoa kontatzen du. Haurtzaroa, bere herrialdeko egile-zinemarekin izandako topaketa eta bere sexualitatearen aurkikuntza gogoratzen ditu. Ondotik, bere lehen filma egiten saiatu da. Mamu-sekta bati buruzko fikzioa. Casting-a Medellinen queer gaztaroan egiten da, baina aktore nagusia gaindosi batek jota hil da, 21 urte zituela. Zuzendariak beste lagun batzuk desagertzen ikusten dituen bitartean, ANHELL69 filmak suntsitutako belaunaldi baten beldurrak, zalantzak eta ametsak aztertzen ditu, baita zinema egiten jarraitzeko borroka ere.

AURRERAPEN BIDEOA

DATU TEKNIKOAK

Zuzendaria:  Theo Montoya
Koekoizpena(k): Monogram Film (Rumania), Dublin Films (Frantzia), Amerikafilm (Alemania)
Parte hartzea: Kanaldude telebista
Generoa: Dokumentala
Gaiak: LGBTQIA+, Droga, Gaztetasuna, Biolentzia
Filmaketa hizkuntza: Espainola
Jatorriak: Kolonbia, Alemania, Frantzia, Errumania
Ekoizpen urtea: 2002
Estreinaldi data: 2024/05/29
Iraupena: 01:11:26

Theo Montoya Medellinen (Kolonbia) jaioa. Zuzendaria, argazki zuzendaria eta ekoizlea da. DESBIO VISUAL produkzio-enpresaren sortzailea eta zuzendaria da. Enpresa horrek egile-filmak eta film esperimentalak sortzen ditu. Bere lehen film laburra, Son of Sodom, 2020ko Canneseko Zinemaldiko eta mundu osoko beste hainbat jaialditako film laburren hautaketa ofizialean parte hartu zuen. Interfilmeko film labur dokumental onenaren saria irabazi zuen eta Clermont Ferranden Labo epaimahaiaren aipamen berezia lortu zuen. Kolonbiako, Errumaniako, Frantziako eta Alemaniako koprodukzio bat den Anhell69, bere lehen film luzea da. Veneziako Kritikaren Nazioarteko 37. astean (Veneziako 79. Nazioarteko Zinema Jaialdia) lehen lerroan aurkeztua. Gaur egun, bere bigarren film luzean ari da lanean, «El retorno eterno» izenekoan.

ZINEGILEAREN FILMOGRAFIA

•  Son of Sodom (2020) – Film labur dokumentala – 15’
• ANHELL69 (2022) - Dokumental esperimentala – 75’

ANHELL69 Afitxa