ERREPORTAIAK

2021ean zehar, gazteek eta gazteentzat sorturik, Euskal Herriko Trikitxa Elkartearen [EHTE] ekimenez eta boskote paregabe baten gidaritzapean, sei bideo ezberdin aurkeztu dituzte, trikitixaren protagonista ezinbestekoak gonbidaturik. Sustrai berberak kolore desberdinetako hostoak eman litzake. Soinu txikia tradizioan sendo errotutako instrumentua da, baina sorkuntza desberdinek bide berriak ireki ahal dizkiote. Julen Alonso, Xabi Aburruzaga eta Xabi Etxaniz trikitixaren sorkuntzaren bueltan dabiltza etengabe. Pieza berrien bilaketaren nondik norakoak, plazerra edota baita momentu gogorrak ere, hizpide dituzte Kolpeka-ko azken saioan.