Boreal espedizioa

Berriako Urtzi Urkizuren artikulu honekin uzten zaituztegu aurtengoan. Ondokoan gehiago...

Nahi baino goizago bukatu da Boreal Espedizioa, ez usteko baldintza klimatikoengatik. Horren lekuko hemen azken egunetan egin irudi batzu. Baina ze kezka oraino ikusiko ditugu, jada ondoko espedizioari pentsatzen ari dira Paxkal eta Xiril...

Aintzira asko dauden eremuetan ibili dira Paxkal eta Xiril. Denak izoztuak garai hauetan. Ala ere arrantzan ikusteko aukera bada, bertakoek ere erabiltzen dutena.

Naturan lehen urratsak. Abentura zaleen bizi arrunta: lera tiratu, otsoak saihestu, kanpalekua muntatu, egurketa joan oihanera, su bazterrean berotu.

Suaren bereganatzea gizakiaren lehen lorpen haundia izan omen da. Milioi bat urte (30 000 belaunaldi!) dituen ezagutza. Baina ikastea ez aski, ez da hor gakoa, gakoa da ez ahanztea. Goazen beraz su baten piztera Paxkalekin Kanadako ipar alde hartako oihan batera.

Jatorrizko herritarrek mende luzeetako guduak galdurik, Kanadan, Amerikako beste estatuetan bezala, baztertze, ukazio eta mespretxua jasan dute Europa jatorrizko populazio eta haien ondorengoengandik. Areago, akulturazio programa politiko aktiboen biktimak izan dira. Ekimen hortan droga eta alkohola tresna suntsitzaileak izan dira, gaurko belaunaldiengan oraino ondorioa duena. Adikzioan galdu diren herritarrak laguntzen jarduten dute hainbat elkartek. Sendagaia: oinarri kulturalen eta duintasunaren berreskurapena.

Lekuko egunkari baten editorealean hartu du lekua lagun bikoteak: https://www.aquilon.nt.ca/Article/Zorte-ona-201812131404/default.aspx Hemen berriz artikulua: https://www.aquilon.nt.ca/Article/En-ski-jusqu-a-Tuk-201812131334/default.aspx

Boreal Espedizioa abiatu berri da. Egun batzuk aitzin errezibituak izan dira Xiril eta Paxkal Yelloknife hiriko frantses kultur elkartean. Bideoan han eraman solas batzuen sorta. Nun frantsesa hizkuntza minorizatu egoeran agertzen den. Gure egoerari oihartzun, eta nahiz kontestuak ez duen gauza haundirik amankomunean nonbait harrigarria ikustea hemengo zenbait kezka berdinei aurre egiten dutela hango frankofonoek. Guti aipatzen den gaia Frantsez estatuan... Baliagarri ere agian oroitzeko leize dagoela jarrera hetsi/baztertzaile (ardura aurpegira botatzen zaiguna) eta bizi goseak eragiten duen erresistentzia behartuaren artean.

Bidea egin bakarrik ez, Paxkal eta Xirilek Kanaldude telebista parte hartzailearen laguntzarekin haien esperientzia ere partekatu egin nahi dute. Kanalduderengandik jaso dute formakuntza eta filmaketarako materialaren parte nagusia. Haiek dira orain arte eta ondotik ere ikusiko ditugun bideoen filmatzaileak. Bideoak Kanalduden errezibitu, muntatu eta publikatzen dira. Ez da baitezpada hautu ebidentea grabaketa material batekin joatea: alde batetik pisua gehitzen die haien pulka leretan, eta ez da zenbait kilometroren afera, baizik eta 5 hilabetez egin beharreko 1500 kilometrorena. Bestalde baldintza klimatiko oso gogorrean ibiliko dira: -40ekin ezin da behatz bat ere eskularrutik atera kamera manipulatzeko. Azkenik materialak berak arreta berezia eskatzen du, bateriak larruaren kontra beti atxiki, ez daitezen hoztu eta haien indarra galdu, hezetasun maila aldaketei kasu eman (oihal etxetik kanpora adibidez) kameren lente eta pantailak ez daitezen leher bat bateko izoztean.

Eta ez dira material guttirekin joan: Canon 60D bat, Panasonic AG30 bat, DJI Spark drone bat, Gopro 5 bat. Horrekin bateria eta grabatzeko karta parrasta bat. Eta irudiak bidaltzeko KBOX bat. Zaude, KBOX bat irudiak bidaltzeko? Nolatan? Ez ote da Kanaldude begiratzeko tresna bat? Erantzun gisa beste galdera bat: ez ote du telebista parte hartzaileak preseski bi zentzu horietan ibili behar? Har eta eman. Eman eta har. Goraintziak bikote, zuen ondoko irudien zain gaude!

Arribatu dira azkenean pulka lerak. Oraingoan dena prest! Espedizioaren abiatzea abenduaren 12a, asteazkenean beraz.

Yellowknifen gaindi ibiladitxo bat Paxkalekin, 1500 bat kilometroko zeharkaldia abiatu aintzin. Lehen etapa Gameti izango da, 200 bat kilometro iparralderantz. Yellowknife 20 000 biztanleko hiria da, Kanada ipar mendebalde lurraldeko hiriburua. Kulturalki aberatsa, 6 hizkuntza daude elkarbizitzan, 4 bertako, ingelesa eta frantsesa. Hemen bereziki Shack auzoan ibiliko gira.

Yellowknifeeko Taïga irratian Xiril eta Paxkalek egindako elkarrizketa entzungai hemen . Aipagai Kanada iparraldean egingo duten ibilbide zehatza baina baita ere, besteak beste, Euskararen egoera gaur Euskal Herrian.

Beti ere haien pulkaren zain daudela Xiril Alvarez eta Paxkal Elgartek prestaketa lanak jarraitzen dituzte Yellowknife herrian. Lagun baten etxean aurkitu dute aterbea. Herriaren eta herritarren ezagutza egiten dute emeki emeki, bertako irrati eta egunkariak ere hurbildu zaizkie espedizio ausart honi buruz galdezka. Zenbait lotura agian ondoko egunetan..

Prestaketa lanak aitzina doaz. Hotzaren parean zailtasun nagusia momentuan: baterien iraupena. Hotz handian azkar husten dira eta hori problematikoa izan liteke zenbait ekipamenduren erabiltzeko: kamera, satelite telefonoa, GPS-a eta bereziki esku argiak. Neguaren azkarrenean 4 oren argi baizik ez dituzte izango eta beraz autonomia handiko argi iturri bat baitezpadakoa da. Dena dela abenduaren 4ean berantenik hartuko dute bidea Xiril eta Paxkalek.

Espedizioaren abiatze bezperan bisita egin zuen Paxkalek Kanboko Xalbador kolegiora.
Han jakinmin haundia piztu zuen ikasleengan. Hauek lan berezi bat eramgo dute ondoko hilabeteetan espedizioaren gai hunen inguruan Ainara Urbezua biologia erakasleak esplikatu digun bezela.

Xiril eta Paxkal atzo iritsi dira hegazkinez espedizioaren abiapuntura, Yellowknife hirira. Han hotza (14 zeropetik) eta eguraldi haizetsua aurkitu dute. Beste hegazkin batean bidalia izan den ekipamenduak beranta hartu du baina bitartean prestaketa lanetan hasi dira: azken erosketak egin eta haiekin duten materiala pikoan eman. Yellowknife inguruetan pasako dituzte ondoko egunak, batez ere hotzari egokitze ariketak eginez.

Boreal Espediziorako materiala aurkezten digu Paxkalek. 6 ilabetez autonomian oinez ibiltzeko lera, jauntzi eta abar. Hotza izango dute etsai gogorrena eta estrategia guziak erabili beharko dira hari aurre egiteko, gradu bat edo bi irabazteko bururatuko ez zitzaizkigun trukoak barne!

Paxkal Elgart eta Xiril Alvarez Kanadara joango dira 2018ko azaroko azken astean, 6hilabeteko ibilbidea egiteko, zirkulu artikoko hertzetan, oinez eta autonomian.Yellowknife eta Tuktoyaktuk lotuko dituzte 1700 kilometroko ibilbidean. 400/500 kilometrokoetapa luzeetan zatituko da abentura, etapa bakoitza 40-45 egunetan osatuko delarik.

Paxkal Elgart eta Xiril Alvarez abentura zaleek espedizio berri bat antolatu dute. Aurtengo neguan, Kanadan, ipar polo hertzetan ibiliko dira 6 hilabetez.Azaroan abiaturik 2019ko apirilean itzuliko dira. Jada esperientzia egina dute besteak beste Nepal eta Mongolian ibilirik.Oinez egingo dute haien ibilbidea, hango hotzean murgildurik bertako herritarren ezagutza egitera joango dira.