Harri Salda Nahieran ikusgai da!

2021-05-12

Harri salda 43, bakardadearen mugak! Bakarrik ote gaude gizartearen baitan? "Profeten iruzurra" liburua aurkeztera jin zaigu Amaiur Epher, galdera bestela ere deklinatuz: borrokak kolektiboa edo indibiduala izan ote behar du? Zalantza izpirik ez Lorentxa Beyrie gure bigarren gonbidatuarentzat: bakardadetik askaturik 20 urteko kartzelaldiaren ondoren, alai eta kementsu azaltzen zaigu aldarrikapenak elkarrekin eramateko desiran. Tartetik Joana Olasagaztik guziak dantzan jarri ditu, sorginkeria zerbait medio, Marko barne, behingoz eta bere margoak askatu baititu. Bururatzeko, Bizi! -ko kide den Joan Indaburuk klima-horma iniziatiba aurkeztu digu.